Wikia

香港民風大典

馮盈盈

3,204個條目
在本站
增加新頁面
討論頁0 分享

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

馮盈盈Crystal Fung,1994年6月10日-[1][2]),是香港一名兼職模特兒,為2016年度香港小姐競選冠軍

早年經歷 編輯

馮盈盈於2006年至2012年曾就讀於石硤尾寶血會上智英文書院,她曾在2010年參加第62屆香港校際朗誦節的中五級女子組英語散文獨誦比賽,她被編往該賽項於11月20日晚上於灣仔舉行第3組的賽事中作賽,結果她獲評判給予83分的優良級別,[3]以1分之差屈居兩位參與該組別比賽而獲得季軍的同校同學之後,得到第五名。[4]而她亦於2011年考獲香港青年獎勵計劃銀章,以及獲香港青年協會頒發200小時義工服務獎狀。[5]

完成香港中學文憑考試後,馮盈盈於2012年獲香港大學取錄,入讀食物及營養學系,並於2016年畢業。她曾在2015年8月曾接受雜誌訪問,表示入讀營養系乃因為其弟弟於兩歲時被診斷患有腎病,而且免疫力極低,稍有閃失便要入住醫院留醫兩三個月,病情最嚴重時更只能吃清菜及白烚肉,長期不能外出用膳,故此其弟自小便有特別的飲食需要,不能吃含高鹽、高糖、高納的食物,並須嚴格控制飲食。[6]

由於其弟的病患,令馮盈盈自小便體會弟弟的痛苦,覺得健康的飲食習慣對自己及家人也十分重要,十分希望協助弟弟的健康和飲食需要,加上自己喜愛吃東西,而令自己對食物及營養學有興趣,故馮盈盈早年已立志入讀該學系,並成為一位註冊營養師,協助弟弟及家人料理飲食習慣。[7]

兼職宣傳工作 編輯

由於馮盈盈於中學及大學期間不時參與角色扮演 (Cosplay) 的活動,加上她的身高為165厘米 (5呎6吋高),腿長42吋,而且皮膚白皙及擁有一雙大眼睛,故吸引一些支持者將她的圖片上載到社交網站及網上討論區,馮盈盈亦因此被封為「港大女神」[8],同時獲得一些平面及宣傳模特兒的演出機會,亦曾擔任一些產品推廣宣傳活動的主持工作。

馮盈盈曾獲邀參加《百變美人季》的大中華總決賽及亞太區總決賽,當中在2016年2月23日於香港啟德郵輪碼頭舉行的亞太區總決賽,主持人在比賽中段的答問環節曾向馮盈盈提問,為何會參加這比賽,馮盈盈回應表示,因為她有美麗的夢想,這個比賽並非只為她帶來獎品和獎項,而是一個發展個人潛能和提升自己的機會,去發展這個美麗的夢想。這個夢想即將會實現,而她亦對未來的夢想有很多的想象。她的回應獲得全場歡呼,而主持人亦表示這是一個好的答案。[9]結果,馮盈盈勇奪冠軍,成為化妝品牌的亞太區的廣告代言人,並曾於2016年2月及6月到美國參與拍攝廣告硬照的工作。

參選香港小姐 編輯

馮盈盈在2016年參加香港小姐競選,由於她於參選港姐之前已擁有較多舞台及視像片段演出經驗,加上能善用臉書及Instagram等社交網站進行宣傳推廣,而她在2016年6月8日前往將軍澳電視廣播城參加港姐第一次面試時,由於她乘搭價值過百萬港元的電動私家車到港鐵康城站轉乘電視台專車,引起了記者們的注意,而被視為熱門之一。

馮盈盈於經過2016年6月及7月的三輪淘汰之後,成功擠身20強佳麗之列,並於維基更新自己的過去。她在8月4日所舉行的港姐全民投票宣傳活動後接受訪問時表示,自己將會以魔術作為港姐決賽才藝表演環節的表演項目。她透露意念源自電視台曾播出《街頭魔法王》節目,覺得魔術表演是一個十分具娛樂性,又能全面展示自己個性的一個表演項目,並希望屆時能夠有機會讓觀眾看到她的表演。[10]而馮盈盈在2016年8月的觀眾投票中,由於獲得較多觀眾支持,於8月14日獲晉身十強。

自電視台於2016年7月公佈香港小姐參賽名單以來,馮盈盈便一直被傳媒及公眾視為「大熱門」候選佳麗,而電視台於2016年8月22日的娛樂新聞報道中甚至形容其一舉一動,更成為了不少網民的討論焦點,亦得到電視台裡面不少男藝人的喜愛。對於被封為「大熱門」的論述以及獲得藝人支持,馮盈盈感到驚喜,並感到十分榮幸及高興,但並不會因此而感到有壓力或是有其他期望,認為用平常心盡自己努力就最好了,亦希望外界能夠期待眾佳麗接下來的表演。 [11]而馮盈盈亦於2016年9月2日獲大會頒發「現場最受歡迎佳麗獎」。 溤盈盈在決賽當晚打敗劉穎鏇陳雅思,勇奪2016年度香港小姐競選冠軍

感情及家庭生活 編輯

馮盈盈曾透露,她的弟弟比自己小四年,由於感情要好,被雜誌形容為「零代溝」。由於其弟的病患,故她已養成習慣,在購買食物前必定會參考食品包裝上的營養標籤,亦會教導家人有關食品營養標籤的知識,以分辨哪些食物會影響弟弟的病情。[12]

馮盈盈在2015年8月的時候,曾表示自己未有拍拖談戀愛,而即使將來跟男朋友談戀愛,稍有空閒便會陪伴弟弟,她亦於2014年考獲駕駛執照,以便可以駕車與弟弟四處遊玩,亦曾接送弟弟上學及下課。她曾表示自己跟弟弟平常也會吵吵鬧鬧,卻又互相疼惜對方,亦不時會跟弟弟單獨用膳。[13]

馮盈盈曾計劃於2016年與當時剛完成香港中學文憑考試的弟弟到歐洲旅遊。不過當她於2016年參選港姐的時候,便透露了她已經有男朋友,而其後傳媒報導,則表示她的男友Martin於瑪麗醫院任職內科駐院醫生,並表示已獲得其男友支持參選香港小姐。[14]不過,當馮盈盈入圍香港小姐30強之後,便把其社交網頁內所載有與男友的合照以及一些性感泳裝照片刪除。報章的報導認為她擔心私生活影響選情,加上要保護其男友,故減少在社交網頁的曝光頻率並變得低調。[15]然而,其男友卻同時在社交網頁中上載一幅二人看日落時的親吻照,被報章形容為確立女友地位。[16][17]而馮盈盈於7月14日亦向記者解釋,刪除照片的舉動是為了保護身邊的朋友和家人,因為他們並不是當公眾人物,而自己在社交平台存放自己的照片,也是十分合適。[18]她希望外界把注意力集中在選美活動上,並再次表示其男友十分支持她參選香港小姐。

個人品味 編輯

  • 形象轉變
馮盈盈曾於2014年拍攝若干造型照,有記者將她於2016年6月初參與港姐第一次面試時的裝扮與造型照作出比對,認為馮盈盈於兩個時期的輪廓沒有什麼分別,但她在拍攝造型照時的眉毛並不明顯,而她在港姐面試時卻有畫眉毛。另一方面,馮盈盈在拍攝造型照時,她是染上一頭金色漸變螢光粉紅的頭髮,但她在參選港姐時的頭髮則是捲髮及染成啡色,形象相對較為高雅。由於這個較大的形象轉變,一些報章的報道將馮盈盈的舉動稱為由「MK妹」變成「港大女神」。 [19][20]
  • 飲食嗜好
馮盈盈曾經在雜誌訪問中表示自己愛吃又愛煮,閒時多會留在家中,為自己及家人下廚,她表示自己會做芝士蛋糕、泡芙、馬卡龍等甜品,也曾嘗試過芝土龍蝦焗伊麵的菜式給全家人吃,結果獲家人一致好評,味道比酒樓更好。[21]她又表示雖然自己十分注重健康飲食,可是她亦十分愛吃較為肥膩的甜品,然而當每次吃過甜品後,她便會做瑜伽運動以消耗卡路里,故此便能長期把體重保持在47公斤左右。
而馮盈盈曾在視頻片段中示範製作三文治的方法,當中她提出用水烚蛋的時侯,水的溫度不要太熱,水中有一點點氣泡為宜,而將雞蛋的蛋黃和蛋白倒進開水裡烹調之前,亦要將煲裡的開水攪拌出一個旋渦,而雞蛋於烹調撈起上碟,片段顯示這個做法令蛋白被切開時,蛋黃便會流到碟上。[22]
  • 「校花」描述:
馮盈盈曾於出席港姐宣傳活動時接受報章訪問,被問及對於被冠以「校花」的描述時,馮盈盈並不覺得自己是貴為「校花」,也從來沒有同學以這個稱號來稱呼她的,她亦表示被經常被稱呼為校花者是她認識的另一位同學,[23]故馮盈盈認為外界對她被冠以「校花」的稱號乃為誤會。而記者再追問馮盈盈,認為她跟同學之間誰人較美麗,馮盈盈雖然一時語塞及笑而不語,但其後認為每個人也有不同的美,而自己和她的朋友也有獨特的魅力,是不能互相模仿的。[24]

政治立場編輯

雨傘革命期間,馮盈盈在面書表態支持,反對梁振英政府,更以粗言穢語批評香港政府及警察[25]。但是,她在當選香港小姐後向傳媒表示自己當年「少不更事」,加上當時剛剛入大學,受到大學內的「狂熱氣氛」影響,才會發表較激的言論,強調自己私下並不會講粗口[25]

視頻演出編輯

語錄編輯

  • 2016年6月24日Facebook、Instagram貼文:[26]
    • 「我相信吸引力法則,笑著笑著就會變得快樂,保持心境開朗就會吸引正能量。面對悲傷消息不斷,就更要勇敢地笑,為身邊人帶來鼓舞及正能量,支持下去。So smile for no reason, and give someone else reason to smile.」
  • 2016年7月14日《港姐首晤新聞界》媒體見面會:
    • 談及應戰準備時,馮盈盈回應:
      • 「我諗應該係關於我近排都係有好努力咁樣節食啦,再加早睡早起啦,做運動啦,咁我諗若果大家都做足呢以上幾點嘅話呢,其實對於整個人既狀態睇上去都會精神爽利嘅。」(之後傻笑,亦被記者提醒放慢語速。)馮盈盈補充:「知道,因為都有為左保持返個好啲個體態呢,咁就有節食啦!咁當然就無過度節食嘅!咁始終都要有返基本既營養嘛!咁然後早睡早起休息啦,都好重要嘅。」記者再問:「係咪有護膚啊?」馮盈盈再回應:「係啊!係啊!我覺得皮膚狀態都好緊要家嘛。咁所以休息多啲,飲多啲水呀,同埋做運動啦,希望成個身形睇起上去會緊致啲,因為之前有報導話我手臂有明顯墮肉,咁所以針對呢個(問題),我都有好努力去做Gum,鍛煉返下嘅。」
    • 談及自己的勝算,被記者問及:「你驚唔驚成為公敵呀?個個都話你大熱噃!」
      • 馮盈盈回應:「我覺得今日天氣的確好大熱嘅,咁但係對我自己係咪真係咁大熱呢?我又覺得未呀!因為今屆嘅佳麗們呢,質素非常平均啦!其實有陣時,我自己睇呢都覺得,我地個個都非常之優秀啦,同埋知道有潛力嘅!咁樣所以而家暫時斷定邊位係大熱呢都好似言之尚早,咁但係當然如果你話大家對我有呢個評價嘅話呢,我都係覺得亦都係一個好好嘅推動力啦,咁希望可以令我會Keep住呢團火,咁樣繼續即係…咁樣奮鬥落去嘅,然之後努力啦!」
  • 2016年7月14日:港姐佳麗自我介紹片段[27]
    • 大家好,我係馮盈盈Crystal,今年22歲,係一個土生土長嘅香港女仔。我啱啱喺香港大學食物及營養學畢業,我(嘅)理想職業係成為一位成功嘅營養師;但問到我自小嘅夢想,就係希望可以成為香港小姐。我細個嘅時候已經會貪玩咁拎住支雞毛掃扮加冕架喇!我相信其他佳麗同我都一樣,為咗追求自己嘅夢想而努力,我希望大家可以支持我哋,見證我哋夢想成真,多謝!
  • 2016年7月17日電視節目《萬千星輝放暑假》中,宣傳Mytv Super的對白:
    • 「你肯問,我肯答!」
  • 2016年7月22日接受《一線娛樂》訪問時,對自己的描述:
    • 主持人譚永浩問:「咁你地大家有啲乜野嘅Selling Point可以贏到其他廿九位佳麗呢?」
    • 馮盈盈的回應:「我係三十個佳麗入面眉毛最淡嘅,咁所以顯得我特別嫵媚,有女人味,同埋期待有《武媚娘》開第二集。」(調侃自己是 「無眉娘」) [28]
  • 2016年7月23日《最受歡迎廣告頒獎典禮》錄影前回應記者問:
    • 對於港姐競選佳麗於7月25日由30人淘汰至20人,馮盈盈的回應:「我覺得做乜野事都應該要有信心嘅,咁所以我首先覺得對自己繼續咁樣……繼續落去係有信心啦!但同時呢,其實我對其他佳麗都有信心嘅,因為我覺得今年嘅佳麗質素個個都非常優秀,咁但係最有信心呢,我係覺得觀眾今年一定可以睇到一個非常之出眾啦同激烈既港姐選舉,因為各位(佳麗)都應該會出盡渾身解數喺才藝表演度,即係俾最好嘅表演比觀眾睇囉。咁我相信呢一方面大家都應該要期待一下嘅!」
  • 2016年7月25日:香港小姐第三輪淘汰後,她在電視娛樂新聞中的回應:
    • 「心情就算鬆一口氣啦!咁因為由即係知道今日要淘汰人開始,都一直非常之緊張,咁昨晚直情緊張到失眠添。」[29]
  • 2016年7月26日拍攝港姐廣告期間,接受「突擊口才測試」專訪:[30]
    • 對於大會所提供的服裝……
      • 馮盈盈的回應:「嗯……我覺得件件衫都好靚其實,即係無話……而且重要係唔同方面同唔同風格嘅美囉!有啲係動感啲嘅、活潑啲嘅;我呢啲就會比較Classic(古典)啲同優雅啲,咁樣就唔同風格唔同嘅味道囉!我覺得無話邊件靚啲。」(記者再問:你覺得呢件衫有無著出你嘅味道呀?)馮盈盈再回應:「其實我正想講,其實呢件衫同我平時有小小自己嘅風格打扮都好相近呀!感覺真係好貼我一向著開嘅Style(風格)同埋性格囉,我好多謝真係公司都配合返一個可以突出返我性格呀,展現到我個性嘅一個服裝。」
    • 當記者問馮盈盈怎看自己是熱門時……
      • 馮盈盈表示:「熱門?吓?我現在真是有點熱了。」[31]「其實真係比人叫做熱門呢件事,我就覺得真係太過誇獎嘞,同埋言之尚早。而且身為熱門呢就最有機會大熱倒灶丫嘛,係咪先!咁有陣時候,其實呢一個名都唔知好定唔好呀,我覺得盡力做好自己就最好嘞!」[32]
    • 記者問:「三甲有無機會呢?你覺得……」
      • 馮盈盈的回應:「首先做乜野事都應該對自己有自信嘅,咁我覺得就盡力做好自己,已經係自己心目中嘅冠軍囉!咁樣我……但係話最後出黎結果冠亞季呢,其實真係可以見到過程有好多變數嘅,後面又有好多環節啊,都係去攞分嘅,咁所以而家真係好難揀下。我會努力做到最好,其實……我覺得目標從來無話諗住攞冠亞季任何一個囉,總之就係做到自己最好呀,咁樣可以挑戰到自己嘅極限同潛能呢,咁我覺得就已經贏左架喇。」
    • 記者問:「你唔想攞冠軍啊?」
      • 馮盈盈:「即係……(一時語塞),我當然會想,呢個由細到大嘅夢想,咁但係話會唔會真係以呢個作為一個目標……亦都會以呢個作為目標去努力嘅;咁但係會唔會話太執著因為佢而去……即係用盡所有一切方法嘅話呢?就……總之就做盡我自己最好嘅就可以喇。」
    • 記者再問:「邊個最威脅到你攞冠軍呢?」
      • 馮盈盈笑著答:「我真係覺得個個都好有潛質呀!唔係講笑啊!真係每一個係某一個方面黎睇呢,都係獨當一面係第一咁樣囉!咁所以就真係好難揀啊,到時呢個交返比評判啦!咁難嘅嘢!」
    • 於同日接受《一線娛樂》訪問時,由於當日天氣酷熱,她在節目中被問及消暑的方法時:
      • 馮盈盈的回應:「一陣上車就會補充啲水份,唔單止可以防止中暑、散熱啦!就算對皮膚都可以補濕,即係靚啲吖嘛!」(此節目於2016年8月1日播出)[33]
  • 2016年8月4日:香港小姐公眾投票宣傳活動後:
    • 於接受電視娛樂新聞訪問時,馮盈盈透露了決賽夜「才藝表演」的表演項目:
      • 馮盈盈表示:「嚟緊將會表演嘅係魔術嘅呢個項目嚟嘅,咁樣點解會揀嘅話,可能係食住返近排呢一個嘅《街頭魔法王》啦,咁同時亦都覺得呢個係一個好有娛樂性啦,同埋可以全面展示到我自己個性嘅一個表演項目,咁希望到時可以有機會比觀眾見到啦!」[34]
    • 於接受報章訪問時,被問及對於被冠以「校花」的描述:
      • 馮盈盈的回應:「我唔覺得自己係貴為『校花』,其實從來無同學之間咁樣用呢個稱號嚟稱呼我嘅。」(記者問:男仔有無呀?)「男仔都無,因為的而且確有位……的而且確係有位名乎其實嘅『校花』係我同學囉,咁所以經常被人咁稱呼嘅呢,係我識得嘅一位同學就並唔係我,所以我諗大家有啲誤會喇係!」
    • 記者再問:你覺得個個同學靚啲定你靚啲呀?
      • 馮盈盈的回應:「我覺得每人都有唔同嘅「靚」嘅!」(記者:我知!)「係!」(記者:咁邊個靚啲呀?)「嗯……我唔夠膽講呀係!」(記者:即係自己啦?覺得係咪……)「都……都唔係呀!佢個種靚係嗯……我又做唔到個囉!咁但係我覺得自己有種獨特嘅魅力,佢應該都扮唔到嘅!」
    • 記者又問及:「唔係男朋友叫埋啲Friend一齊黎呀?投票呀?」亦有記者「問候啊男友」。有記者認為又認為「無同佢提過嘅!」,期間眾人大笑。
      • 馮盈盈的回應:「佢的而且確有好多真係嗯……佢都覺得好欣賞嘅佳麗呀!我又唔會真係強迫任何人之後黎投票嘅!我地都嗯……真係鼓勵下。」(記者:「你咁都講佢大鑊呀!」,之後眾笑)馮盈盈:「之後衷心希望之後各位都會投我一票咁樣囉!至於但係最後投左啲乜野嘅話,都係大家自由嘅!我地有二十個比你揀嫁!」
    • 被中國內地視頻網站的記者問及晉級十強的機會:
      • 馮盈盈以普通話回應:「我也不會有就是害怕去不了日本的感覺,因為我覺得呢……能夠進入現在的二十強,已經對我是一種恩賜,還有一些榮幸,所以我把所有之後的事都當作是一個Bonus,就未有特別的想我一定要去到(日本),還有一定什麼要進到十強,當然最後能夠跟我們的佳麗們去了日本的話,一定會很高興,很開心的。」[35]
    • 在2016年8月8日所播出的《一線娛樂》節目訪問時,主持人衛志豪請在場港姐佳麗以大約十秒的時間推銷自己……
      • 馮盈盈的演繹:「大家好,我係馮盈盈Crystal,熊貓嗰個『盈盈』,而且無人夠我型,因為我有兩個『盈』。」(同時舉起右手食指及中指作V字手勢,意指兩個)[36]
      • 在電視台未有播出的片段中,衛志豪當場笑了一下,並誇讚:「型喎你真係,你有無樂樂呀!」馮盈盈回應:「我等緊樂樂呀!」衛志豪反問:「你末拍拖咩?」馮盈盈再回應:「如果你俾我入到圍嘅話,我就好快快樂樂囉!如果入唔到圍就……(衛志豪:就好失失落落呀?)無錯!」[37]
  • 2016年8月5日:於出席護膚品牌宣傳活動後,被記者問及若佳麗之間能互相淘汰,眾佳麗會淘汰誰人時……
    • 在文字報導中,馮盈盈的回應是:「這個問題真的有點難答,我會out前面那個,不理我前面那位是誰,到時抽籤看看那位排在我前面,那就out她吧。」(註:報導指馮盈盈處於大熱門位置,其答案亦十分玄妙,而且答得大體,又有追看性,答案與其他佳麗有所不同。)[38]
  • 2016年8月12日,港姐訓練期間,大會安排了攝影師苗彤向佳麗講解攝影技巧,在電視娛樂新聞中,馮盈盈對苗彤的描述……
    • 馮盈盈:「有真係幻想可能就會唔會係啲例如比較資深呀嘅攝影師,之後黎到呢發現呢,其實(攝影師苗彤)同我地年紀差唔多啦,但係呢就有好專業嘅攝影技術。」[39]
  • 2016年8月14日:2016香港小姐《公佈最後十強佳麗》記者會
    • 在結果公佈後,馮盈盈在接受翌日播出的《一線娛樂》及《東張西望》的訪問,被問及到日本前的準備時……
      • 馮盈盈的回應:「日本福岡嘅水果應該都會特別鮮甜嘅,所以留定把刀去嗰度切水果。(主持人補充:不過把刀記得擺係個喼嗰度喎。)馮:係呀!」[40]「之前同屋企講過話呢,不如睇下今晚有無機會,如果一陣出咗局,就去食自助餐囉!(眾笑)而家我諗應該無呢個機會,因為要乖乖地返屋企盡快執嘢。」[41]
  • 2016年8月17日:2016香港小姐於日本福岡櫛田神社拍攝劍道外景
    • 報章記者看過馮盈盈的劍道示範後,表示:「嘩!睇唔出你幾兇狠嫁喎……打得!」
      • 馮盈盈的回應:「我……我諗係兇狠嘅意思應該係啱啱打落去嘅時候有個力度喺度,咁其實呢一個都係……根據導演所講啦話,真係拍攝嘅時候,Roll機要用盡全力,全力以赴咁樣去打囉!咁所以先會感覺有一個嗰種習武之人嗰種氣勢出嚟。」
    • 報章記者追問:「有無學過呢D即係武術呀?或者嗰D咁樣呀?」
      • 馮盈盈的回應:「即係今日所嘗試嘅劍道呢,就之前中……都未嘗試過嘅,咁但係話習武呢,就之前有短暫學習過泰拳,咁雖然當初學嘅時候呢,目的唔係為咗真係要練好一身好武功,咁其實係為咗減肥,咁但係呢就當中學到一D點樣運用身體一D力量嘅技巧呢,喺今日都有幫助到囉!例如點樣用條腰帶D力出黎嗰D,都有幫助點樣用力揮劍呀。」
  • 2016年8月19日:2016香港小姐於日本福岡縣八女市拍攝學習打太鼓
    • 被報章記者問及學習打太鼓時的表現……
      • 馮盈盈的回應:「我覺得無論點樣都有進步空間嘅,始終都係我地今日第一日學,咁但係我覺得So Far對我地嘅表演,我都已經好滿意架喇!因為我覺得其實咁短時間嘅練習呢,但係我地四個人呢,都可以好合拍咁樣演奏到師父所教嘅節奏,咁剛才觀眾睇完都有拍手,我諗都算係一個小小嘅肯定嚟嘅!」
    • 當報章記者發現馮盈盈的右手被鼓棍擦損流血……
      • 馮盈盈的回應:「就係握棍嗰個虎口位囉!可能係即係用力唔啱,所以就擦損甩皮,咁就有小小流血,仲唔小心整污糟咗支棍,諗緊點樣還畀比人好。」
  • 2016年8月21日:2016香港小姐完成日本外景拍攝返回香港
    • 在電視娛樂新聞的報導中,指出馮盈盈「自參選以嚟就被視為大熱,佢地嘅一舉一動更加係唔少網民嘅討論焦點添!」而主持人黃文意亦指出:「我哋有好多男藝人呢,都非常之鍾意你啦,其實係……你係一個大熱門嚟嫁喎?有無覺得好開心呀?」
      • 馮盈盈的回應:「啊!我而家先至知,咁我對於…對…原來有咁多藝人支持我,我覺得非常之榮幸同開心啦!咁但係話繼續作為大熱門,即係會唔會有壓力呀或者覺得有乜嘢期望,我都唔會囉!因為其實都係用返個平常心盡自己努力就最好嘞!咁希望大家可以期待下我哋嚟緊嘅表演啦!」 [42]
  • 2016年8月25日:港姐化妝品贊助商宣傳活動後
    • 馮盈盈被報章記者問及有關由該報所舉辦的「港姐評選投票」時……
      • 馮盈盈的回應:「我晚晚都有睇啊,其實!」(報章記者追問:「但係你個票數好飄忽喎!你呢而家變返第四咋喎!」)「我見到呀!所以即係話呢一個投票呢,其實戰況非常之激烈囉!真係睇少一眼,睇少一晚呢,都會Miss咗最新嘅賽果更新。」
      • 馮盈盈再回應跟進行動時,表示:「坐言起行、Call爆親朋囉!」(報章記者問:「有無咁做㗎,你真係?」馮盈盈苦笑地說:「有!盡力㗎喇!」「係!咁樣所以呢……既然我咁盡力嘅話呢,希望大家都可以再出力啲支持我,俾多幾個LIke我,等我可以再上返去或者等個戰況有更多嘅更新吖!」
  • 2016年8月31日:《2016香港小姐競選》「全城熱選」名車抽獎活動:
    • 在電視娛樂新聞中,被問及如何備戰決賽時:
      • 馮盈盈的回應:「我覺得嚟到即係呢一個階段嘅話呢,比較要當務之急,係熟悉返個比賽賽制添呀!所以我已經不停返睇返過往幾年嘅即係香港小姐比賽呢……嚟睇返例如當時佳麗嘅表現呀,同埋例如評判……評判呀、司儀呀,同佢哋嘅對答會係點樣囉!」
      • 主持人黃建東追問:「有乜心得呢?睇返過往?有無邊個係最……你最Impress (印象難忘) 嘅呢?你覺得?」
      • 馮盈盈的回應:「我覺得上年其中一位佳麗郭嘉文呢,佢當日嘅表現好淡定,喺之後問答環節入便嘅即係個對答呢亦都好有趣呀!我睇完都覺得好……即係好令我耳目一新呀,好得意。」[43]
  • 2016年9月3日:《2016香港小姐競選》「全城熱選」拉票
    • 在活動中,主持人陸浩明請各佳麗自選一張在港姐活動期間所拍攝的圖片作出描述……
      • 馮盈盈的發言:
        • 大家好,我係馮盈盈Crystal,相入面嘅我正同另一位佳麗Angellica (關可欣) 格劍,學習劍道嘅精神。我記得嗰日,我係用盡全力,豪不保留咁同Angel競技,打得非常之激烈,之後嗰日我直情連揸筷子都會手震,大脾都酸軟咗兩日。
        • 你可能問我,點解要咁落力?因為我覺得咁先係劍道精神,面對挑戰,要用盡全力,奮戰到底,嚟鍛煉出堅定嘅心智,同埋處變不驚嘅勇氣,9月11日就係我哋嘅決賽,我希望可以用劍道精神,嚟保持我打不死嘅鬥智,呈現出最美一面比你哋睇。
        • 喺大學既時候我學過一句話,就係「博盡無悔」,我希望用「博盡」嘅態度,凡事都努力去做,能將你哋打動,投票落我度,請支持6號馮盈盈Crystal,多謝!
  • 2016年9月11日:香港小姐競選決賽尾段即席演講環節
    • 馮盈盈的發言:「盈盈」呢個名,係我爸爸喺我出世嘅時候改比我,之後就一直陪伴住我;我嘅英文名係晶瑩嘅Crystal,我係大學讀嘅係營養學。嚟到選港姐,我感受到嘅係一股凝聚力,去凝聚咗我全家,特別係我爸爸,我Daddy平時做野好忙,其實我哋好少時間傾計同見面,(開始聲淚俱下)但自我參選港姐之後,原來佢日日都有追睇我嘅新聞,然後就算幫我拉票都好不遺餘力,連打電話Cold Call、電話傳銷都追住佢,都叫住佢投我票。我真係好多謝佢亦都好感思有個咁嘅爸爸,所以我一直都好努力,希望可以……佢會因為我呢個女兒感到驕傲,嚟到呢一刻,我已經行到嚟呢步,爸爸,我希望你會有因為我呢個女而……同埋有呢個屋企而感到驕傲,同埋記住我哋都係屋企人!你聽到嗎?多謝![44]

註釋及參考資料

  1. 【港姐首輪面試】港大馮盈盈最靚愛放閃 上海黑馬董懿琳有背景》(香港01,2016年6月8日)
  2. 「甫士王」馮盈盈牛一拗S腰(Yahoo!,2016年6月12日)
  3. 2010-2011 External Prizes》(htc.edu.hk 2011年10月31日)
  4. 62nd HONG KONG SCHOOLS SPEECH FESTIVAL (2010-2011)
  5. 2011-2012 External Prizes》(htc.edu.hk,2013年9月9日)
  6. 港大女神Crystal 為細佬讀食營》(FACE周刊,2015年8月31日)
  7. 港大女神Crystal 為細佬讀食營》(FACE周刊,2015年8月31日)
  8. 女神點少得食營女神》(臉書專頁:HKU Goddesses - 港大女神,2015年7月10日10時45分)
  9. 百變美人季亞太區總決賽 (2016年2月23日,英語進行,片段47:30-48:15)
  10. 《港姐進入最後淘汰階段 最後十強由評審及觀眾選出》(TVB娛樂新聞,2016年8月4日)
  11. 《港姐十強完成福岡拍攝回港 關可欣陳雅思難忘學劍道》(TVB娛樂新聞,2016年8月22日)
  12. 港大女神Crystal 為細佬讀食營》(FACE周刊,2015年8月31日)
  13. 港大女神Crystal 為細佬讀食營》(FACE周刊,2015年8月31日)
  14. 港姐大起底 Crystal Nicole Maggie 網上曬泳照鬥性感》(明報,2016年6月10日,C02版)
  15. 【忽然低調】港姐大熱馮盈盈Delete愛人》(明報即時新聞,2016年7月1日15:56)
  16. 港大女神Crystal刪性感照 醫生男友反晒蜜照宣主權》(蘋果日報即時新聞,2016年7月2日)
  17. 港大女神Crystal刪性感照 醫生男友反晒蜜照宣主權》(蘋果日報Youtube,2016年7月2日)
  18. 黃鍶雅戒夜蒲保港姐形象 Daisy否認整容 高呼純天然》(星島日報,2016年7月15日,D02版)
  19. 【港大女神起底】誰都MK過~哪個沒有 候選港姐一年內唔同晒樣》(蘋果日報即時新聞,2016年6月9日)
  20. Youtube片段:面試港姐百萬Tesla接送 港大女神Crystal起底》(蘋果日報即時新聞/FacePopNews,2016年6月9日)
  21. 【FACE校園】港大食營女神Crystal係甜品高手》(Nextmedia即時,2015年8月31日)
  22. Menstagirl:Crystal Fung 教你整煙三文魚水煮蛋牛油果多士》(男人幫Youtube,2016年5月5日)
  23. 《港姐最後階段 再篩10人出局 魏韵芝家世顯赫未感添勝算》(明報,2016年8月5日,C06版)
  24. 馮盈盈:我唔係校花》(澳門日報,2016年8月5日,D01版)
  25. 25.0 25.1 模板:Cite web
  26. 馮盈盈Instagram貼文,2016年6月24日
  27. 2016年度香港小姐自我介紹片段—馮盈盈》(TVB,2016年度香港小姐競選,2016年7月14日)
  28. 《2016香港小姐競選公布20強》(TVB一線娛樂,2016年7月25日)
  29. 《2016香港小姐競選首輪淘汰 公布20位晉級佳麗》(TVB娛樂新聞,2016年7月25日)
  30. 口才突擊測試 口窒窒答標準答案》 (香港01 Youtube,2016年7月26日)
  31. 口才突擊測試 口窒窒答標準答案》(香港01,2016年7月26日 22:13)
  32. 馮盈盈着喱士裙凸顯文靜風格》 (巴士的報Youtube,2016年7月26日)
  33. 《香港小姐拍攝宣傳片》(TVB一線娛樂,2016年8月1日)
  34. 《港姐進入最後淘汰階段 最後十強由評審及觀眾選出》(TVB娛樂新聞,2016年8月4日)
  35. 香港小姐驚現朗誦型佳麗 賽制殘酷決賽只剩10人》 (魔方全媒Youtube,2016年8月4日)
  36. 《香港小姐各佳麗拉票》(TVB一線娛樂,2016年8月8日)
  37. 香港小姐2016記者會,2016 Miss HK Press Conference》 (wanderingcat_hk的Youtube片段,2016年8月4日)
  38. 【港姐2016】大熱互out測試 黃鍶雅揀劉穎鏇:佳麗中最細》 (香港01,2016年8月5日)
  39. 《與苗彤首度會面 20位佳麗盼交流攝影心得》(TVB娛樂新聞,2016年8月12日)
  40. 《2016年度香港小姐競選十強誕生》(TVB一線娛樂,2016年8月15日)
  41. 《2016年度香港小姐競選十強誕生》(TVB東張西望,2016年8月15日)
  42. 《港姐十強完成福岡拍攝回港 關可欣陳雅思難忘學劍道》(TVB娛樂新聞,2016年8月22日)
  43. 《港姐港生投票展開 代蓮曦丹美未敢鬆懈》(TVB娛樂新聞,2016年8月31日)
  44. 《2016年度香港小姐競選決賽》(2016年9月11日)

外部連結編輯

  • 港大真女神 好家姐最錫細佬》(FACE週刊,2015年8月26日,P56-P57)
  • 候選港姐馮盈盈 愛晒水着相》(蘋果日報,2016年6月10日,C04版)
  • 《麥明詩過料畀師姐Angellica 黃鍶雅噴血水着拋胸谷人氣》(東方日報,2016年6月10日,C04版)
  • 30候選港姐再篩10人 大熱馮盈盈鄺美淇劉穎鏇狀態勇》(明報,2016年7月15日,C04版)
  • 與港男分開訓練 港姐大突破 30位佳麗入圍》(文匯報,2016年7月15日,A42版)
  • 《代蓮曦丹美跌Watt》(蘋果日報,2016年7月15日,C02版)
  • 《「升Cup凱琳」鄺美淇自信入硬決賽》(東方日報,2016年7月15日,C01版)
  • 《30位準港姐首會傳媒 劉穎鏇身材高大佔優》(成報,2016年7月15日,C01版)
  • 《30準港姐見傳媒 陳雅思入圍發正能量》(澳門日報,2016年7月15日,C01版)
  • 【港姐2016】三熱門領放 「甫士王」馮盈盈:笑容打動觀眾》(香港01,2016年7月14日)
  • 廣告客戶定生死 港姐狠叮十個 馮盈盈甜笑拉票》(東方日報,2016年7月24日,C06版)
  • 《廣告頒獎禮極速淘汰10港姐 陳雅思馮盈盈阮嘉敏不覺兒戲》(明報,2016年7月24日,C02版)
  • 《票選港姐20強 兒戲欠透明度 陳雅思馮盈盈阮嘉敏 有信心晉級》(成報,2016年7月24日,C01版)
  • 《Bobby自豪揀女有一手》(文匯報,2016年7月24日,B07版)
  • 《Bobby自詡揀女有一手》(星島日報,2016年7月24日,D01版)
  • 行Catwalk兼自我介紹選20強 準港姐突玩淘汰賽》(頭條日報電子版,2016年7月24日,P15版)
  • 《2016香港小姐競選首輪淘汰 公布20位晉級佳麗》(TVB娛樂新聞,2016年7月25日)
  • 《港姐大熱Maggie 被踢出局全場嘩然 代蓮曦丹美馮盈盈劉穎鏇晉級「峰」騷》(明報,2016年7月26日,C03版)
  • 《港姐叮走十佳麗 馮盈盈大熱晉級》(澳門日報,2016年7月26日,D01版)
  • 《候選港姐20強誕生 大熱鄺美淇被out O晒嘴》(文匯報,2016年7月26日,A33版)
  • 《馮盈盈大熱晉級 Maggie倒灶 港姐10佳麗被Out 黃欣爆喊》(星島日報,2016年7月26日,D02版)
  • 《Daisy對眼識笑踢走騰雞升Cup陳凱琳》(東方日報,2016年7月26日,C01版)
  • 《20準港姐出爐 大熱鄺美淇愕然被叮》(晴報,2016年7月26日,P36版)
  • 《打破傳統先淘汰十位佳麗 港姐新賽制有人開心有人落淚》(成報,2016年7月26日,C01版)
  • 《港姐最後20強誕生 大熱Maggie被叮O晒嘴》(頭條日報,2016年7月26日,P54版)
  • 《張寶兒向麥明詩取經》(am730,2016年7月26日,A46版)
  • 馮盈盈 Facebook / 馮盈盈 Instagram
  • 馮盈盈 Crystal Fung Fanpage / Crystalfung.fanpage Instagram
  • 2016香港小姐競選佳麗檔案 - 馮盈盈 Crystal (tvb.com)

更多Wikia社區

隨機wiki